International Arctic Conservation

International Arctic Conservation

Issittumi aalisagaqarfiit illersorlugit

Issittup Imartaa nunarsuatsinni imartat minguinnerpaat ilagaat. Nunalli assingisa nutaat takutippaat silap allanngoriartornera pissutigalugu sikutoqaq milliartuinnartoq, taamalu Issittup Imartaa iluanaarniutigalugu aalisariarnissamut ammalersoq. Imartat taakku Akullersuartulli angitigipput taavalu nunat tamalaat akornanni aalisarneq pillugu isumaqatigiissusiorfiusimanatik. Ilisimatuussutsikkut ilisimasat pigineqalersinnagit aammalu nungusaataanngitsumik aalisarnissaq qularnaarniarlugu aqutsinermut aalajangersagaliortoqartinnagu imartaq tamanna iluanaarniutigalugu aalisarnermut matoqqatinneqarallassappat isumaqatigiissutit taama ittut pisariaqaraluarput.

Issittup imartaata qiterpassissuani nunat tamalaat imartaat.

© The Pew Charitable Trusts

Central Arctic Ocean © The Pew Charitable Trusts

Avannaarsua pilluigu politikkikkut aaqqiinerit Issittup Imartaata qiterpasissuani iliuuseqarniaraanni maligassaqqissuuput. Assersuutigalugu USA-p qanittukkut Issittup imartai iluanaarniutigaluigu aalisarnermut matugallarpai avatangiisit allanngoriartupiloortut ilisimatuussutsikkut naliliiffigineqarnissaasa tungaannut. Canadap massakkut aalisarnermut pilersaarutit imartamut pineqartup sanianiittumut Beaufortip Imartaanut tunngasut annertuumik tunisassiorfiusumik aalisarnissamut periarfissaqalernera piareersimaffigiumallugu piareersaleruttorpai.

Rusland aamma USA 1980-ikkunni massakkut nalaanneqartumut assingusumik ajornartorsiulerput Beringip Imartaata avannarpasissuani nunat tamalaat aalisarfigisinnaasaannik nunat allamiut aalisarnerat pissutigalugu saarulliusat sejit ikilerujussuallarmata. Ruslandip USA-llu nunat allat Beringip Imartaata qiterpasissuani saarulliusat pillugu isumaqatigiissummut atsiueqataaqqullugit kimigiiserfigalugit akuersisippaat, taamaalillunilu imartaq tamanna aalisarfigeqqusaajunnaarallarluni ilisimatuussutsikkut ilisimasat pissarsiarineqarnissaasa tungaannut aammalu nungusaataanngitsumik aalisarneq qularnaarniarlugu aqutsisoqalernissaata tungaanut. Ajoraluartumik ajutoorneq pereersimammat imartaq tamanna ullumimut aalisarfigeqqusaanngilaq.

Issittup Imartaata qiterpasissua naalagaaffinnit tallimanit avatangerneqarsimavoq: USA, Rusland, Norge, Kalaallit Nunaat (Danmark) kiisalu Canada. Naalagaaffiit taakku Issittumi nunat tamalaat imartaanni aalisarneq pillugu isumaqatigiissusiortariaqarput.

Media Contact

Ruth Teichroeb

Officer, Communications

206.453.2374